TE UPDATE IAON TROPICAL CYCLONE YASA AO ZAZU
1. Aikai kamatata tabeua iaon angibuka ke Tropical Cyclones n Tebetebeke (Pacific region) aika tabe ngkai n nanako rongorongoia n rerio, nutibeeba ma te intenete.
2. N te ribooti n te ingabong aio ae 16th December 2020 ao e kamatoaki bwa te Tropical Cyclone ae Yasa e a roko n te Category 5 ao n tabe n uakaan ma aban Biiti (Fiji Islands), Te Angibuaka are teuana ae Tropical Cyclone Zazu e a roko n te Category 2 ao ni uakaan ma Aban Tonga ao Tamoa (Tonga and Samoa) ao e katautauaki bwa e na tabe n karaurau n mwaing nako maiaki maniku n roota Niue.
3. N te tai aio ao katautauan rotakin aban nako Kiribati man angibuaka aikai bon ti karematoan te ang mai mainiku ao meang mainiku ni birina ae 8-20 knots ao n kona ni matoa imarenan tai, te uananginang ma te karau are namakinaki riki n bong aika nako n moan rikin angibuaka aikai ao ai marebun taari.
4. Ngkai e uarereke katautauan rotakin abara n te tai aio man angibuaka aikai ao e bon kakawaki naba te tatauraoi ngkai a tuai toki angibuaka aikai ao e kona n bitaki kawaia n te tai teuana ma teuana ao riki ngkai ti teimatoa inanon tain ara Wet season ke Au-meang.
5. E kakawaki te ongongora nakon Tauan Kanoan Te bong are nanako n te rerio ao n kona naba n reken n ana website Aobitin Tauan Kanoan te bong ae www.met.gov.ki ao bon ana Facebook page naba te aobiti aio ae Kiribati Meteorological Service.
6. E na teimatoa aobitin Tauan Kanoan Te Bong ke te MET n monitor systems ke n tatarai angibuaka aikai ao n kaongoraea te botaonnamata n noran riaina.
7. Ibukin riki kan kamatata iaon aikai ao taiaoka n reitaki ma aobitin te Met i Betio iaon 75125444 ke tareboon nakon ae aki kaboaki 1055, email nakon af@met.gov.ki ke bon roko nakon ara Aobiti ngkana iai n ami abamwakoro.
Note:
Category Cyclone 1 has mean winds 34-47 knots with a central pressure greater than 985 hPa.
Category Cyclone 2 has mean winds 48-63 knots with a central pressure 985-970 hPa.
Category Cyclone 3 has mean winds 64-85 knots with a central pressure 970-945 hPa.
Category Cyclone 4 has mean winds 86-107 knots with a central pressure 945-910 hPa.
Category Cyclone 5 has mean winds greater than 107 knots with a central pressure less than 910 hPa.